Melolic su test di Carlo Tolazzi e musiche di Davide Pitis
Vôs recitante Maurizio Fanin
Ensemble de Filarmoniche dal Friûl Vignesie Julie
Côr “G. Pressacco” de Universitât dal Friûl

MIERCUS AI 18 DI OTUBAR H 21.00 TEATRI PALAMOSTRE

JENTRADE LIBARE

La forme dramatiche dal melolic, dal titul “Qui tollis peccata mundi”, e previôt une vôs recitante (di un atôr), un côr, dai strumentiscj e un diretôr di orchestre par un totâl di 21 personis che e partecipin ae metude in sene de opare. Il melolic al è un gjenar musicâl nassût tal secul XVIII, che al met adun la musiche cul fevelât: une composizion artistiche dulà che la recitazion di un test leterari e je compagnade de musiche.

La dramaturgjie e je ambientade in Friûl tal secul XVI. La vicende e riflet la vivacitât e i contrascj che a esistevin in Friûl, e in particolâr a Udin, dal pont di viste religjôs, culturâl, musicâl cuntun riferiment particolâr a Giorgio Mainerio, mestri di capele tal Domo di Udin.

La musiche origjinâl componude dal mestri Davide Pitis e rivoche e e compagne cun sugjestions impuartantis la azion dramaturgjiche. Il melolic si tignarà sedi par furlan che par talian.

La vôs recitante di Maurizio Fanin e sarà compagnade dal Ensemble de Filarmoniche dal Friûl Vignesie Julie e dal Côr “G. Pressacco” de Universitât dal Friûl, sot la direzion dal mestri Davide Pitis che al è ancje autôr des musichis.

https://www.facebook.com/events/314001134580185/