Canamus cum modulo
I discjants di Cividât dal Friûl
Ensemble Schola aquileiensis
A San Tomâs di Maian
Hospitâl di San Zuan
Cu la colaborazione dai Amîs dal Hospitâl

A Cividât dal Friûl, tal Museo Archelogjic Nazionâl, al è conservât un patrimoni musicâl storic straordenari tal so gjenar. Si trate di un grup di dodis polifoniis primitivis regjistradis in dîs codiçs difarents, che daûr dai studiôs a dan dongje un corpus di presi par cuantitât e tipologjie dai tocs, cualchidun ancje unic.
Dopo di un prin moment di innomine, mediant di une cunvigne internazionâl inmaneade a Cividât tal 1980 su la sburte di Gilberto Pressacco, a son vignudis fûr tal panorame musicâl dome incisions isoladis di sengui discjants, intune ufierte no organiche e dispès pôc filologjiche. La Schola aquileiensis, ative di plui di cuarante agns ta la riscuvierte e ta la difusion dal patrimoni musicâl dal Patriarcjât di Aquilee, dopo di un impuartant impegn di analisi, trascrizion e contestualizazion liturgjiche dai tocs, e à proponût par la prime volte, cu la publicazion di un CD cun librut di compagnament, l’esecuzion integrâl dai tocs dentri tal lôr contest liturgjic.

A Cividale del Friuli, nel Museo Archeologico Nazionale, è conservato un patrimonio musicale storico straordinario nel suo genere. Si tratta di un gruppo di dodici polifonie primitive registrate in dieci codici differenti, che secondo gli studiosi costituiscono un corpus pregevole per quantità e tipologia dei brani, alcuni dei quali unici.
Dopo un primo momento di notorietà, grazie al convegno internazionale organizzato a Cividale del Friuli nel 1980 su sollecitazione di Gilberto Pressacco, sono comparse nel panorama musicale solo sporadiche incisioni di singoli discanti, in un’offerta non organica e spesso poco filologica. La Schola aquileiensis, attiva da più di quarant’anni nella riscoperta e nella diffusione del patrimonio musicale del Patriarcato aquileiese, dopo un importante impegno di analisi, trascrizione e contestualizzazione liturgica dei brani, ha proposto per la prima volta, attraverso la pubblicazione di un CD con libretto di accompagnamento, l’esecuzione integrale dei brani inseriti nel loro contesto liturgico.